Samband Íslenskra Harmonikuunnenda

Fréttir af Harmonikufélagi Reykjavíkur:
Tónleikar í Ráðhúsi Reykjavíkur 5. des. 2009

5. des voru tónleikar í Ráðhúsi R. Þar komu fram 3 ungar stúlkur nemendur Vadims Fedrov, Guðný Margrét og Iðunn þær spiluðu saman lagið Rock around clock en það lag átti að vera Landsmótslag á ungmennamótinu sem féll nyður. Arnheiður Gróa lék Tikó,tíkó og tókst það mjög vel,Léttsveitin skipaði sinn sess á tónleikonum, Þórir Lárusson var með djass tríó, Ólafur Þ. Kristjánsson lék á tvöfalda harmoniku og Ómar Skarphéðinsson og barnabarn hans Máney Sól tóku nokkur lög þar á meðal frumfluttu þau þrælgóðan vals eftir Ómar sem heitir Næturvalsinn en Máney hefur um nokkurt skeið sungið með afa sínum en hún er aðeins 10 ára, síðast en ekki síst spilaði Helga Kristbjörg tvö verk af algjöri snilld, gaman er að sjá hvað henni hefur farið fram og náð mikilli tækni.Léttsveitin endaði síðan tónleikana með jólaívafi.


Sunnud 6. des. Sjóminjasafnið:

Harmonikufélag Reykjavíkur og Sjóminjasafnið hafa tekið höndum saman og ætla að vera með skemmtanir á sunnudögum í vetur líklega einu sinni í mánuði, fyrsta skemmtunin var sunnud. 6. des sl. tókst hún í alla staði mjög vel, hægt var að skoða safnið, fá sér kaffisopa í Safnakaffi, hlusta á harmonikutónlist og dansa, Dansað var frá kl. 3 - 5 þar á meðal var masserað og hringdansar undir stjórn Gunnars Þorlákssonar troðfullt var í masseringunni og hafði fólk á orði að þetta væri bara eins og á Dansæfingunum hér á árunum áður þvílík stemming.
Báðir þessir atburðir voru vel sóttir og helgin í alla staði mjög vel heppnuð og ánægjuleg.

Harmonikufélag Reykjavíkur sendir öllu áhugafólki um dans og harmonikutónlist bestu jóla og nýárs kveðjur
Guðrún Guðjónsdóttir form H.R.

Fréttir: Af tónleikum í Ráðhúsi Reykjavíkur þann 5.des 2009
Fréttir: Harmonikuball við hafið 6.des 2009 Sjóminjasafninu